এসপ্তাহত ভাৰতত ইন্ধনৰ ৬ টকালৈকে বিমানৰ ভাৰা বৃদ্ধি পাব ১৫ শতাংশ

ছৌদি আৰৱত তেল সংকট  

এসপ্তাহত

ভাৰতত ইন্ধনৰ

৬ টকালৈকে

বিমানৰ ভাৰা

বৃদ্ধি পাব ১৫ শতাংশ

বিশ্বৰ বৃহত্তম তেল সংসাধন কোম্পানী ছৌদি আৰবৰ

আৰামকোত সন্ত্ৰাসবাদীয়ে ড্ৰোন আৰত্ৰযমণ চলোৱাৰ পিছতে

বিশ্বজুৰি ইন্ধনৰ মূল্যবৃদ্ধি ইতিমধ্যে আৰম্ভ হৈছে। ড্ৰোন আক্ৰমণৰ তিনি দিন পিছতে বিশ্বৰ আন প্ৰান্তৰ লগতে ভাৰততো  ইন্ধনৰ মূল্যবৃদ্ধি এসপ্তাহত ভাৰতত ইন্ধনৰ দাম বাঢ়িব ৬ টকালৈকে

 হৈছে। আজি পেট্ৰ’লৰ দাম ১৮ পইচা বৃদ্ধি পোৱাৰ সমাম্ভৰালকৈ ডিজেলৰ দাম ৩৩ পইচা বৃদ্ধি পাইছে। কেন্দ্ৰীয় পেট্ৰ’লিয়াম মন্ত্ৰী ধৰ্মেন্দ্ৰ প্ৰধানে কালি ছৌদি আৰবৰ তেল সংকটে ভাৰতত প্রভাৱ নেপেলায় বুলি ঘোষণা কৰিছিল যদিও আজি ইন্ধনৰ মূল্যবৃদ্ধিয়ে বিপৰীত ছবি এখন প্ৰতিফলিত কৰিছে। আন্তৰ্জাতিক বজাৰত খাৰুৱা তেলৰ মূল্য বৃদ্ধি পোৱাৰ পৰিপ্ৰেক্ষিতত পৰৱৰ্তী সপ্তাহৰ ভিতৰতে ভাৰতত প্ৰতিলিটাৰ পেট্র’ল-ডিজেলত ৬ টকাকৈ বৃদ্ধি পোৱাটো নিশ্চিত বুলি ৰাজহুৱা খণ্ডৰ

তেল কোম্পানীৰ সূত্ৰত প্রকাশ।

 ছৌদি আৰবৰ আৰামকো কোম্পানীত ড্ৰোন আক্ৰমণৰ পিছত আন্তৰ্জাতিক বজাৰত খাৰুৱা তেলৰ মূল্য ২০ শতাংশ বৃদ্ধি হৈ প্রতি বেৰেলত ৭১ মাৰ্কিন ডলাৰ হৈছে। ইপিনে, উৎসৱৰ সময়ছোৱাতে ভাৰতৰ বিমান সেৱাৰ টিকটত ১৫ শতাংশ বৃদ্ধি হোৱাটো প্ৰায় নিশ্চিত হৈছে। ছৌদি আৰবত চলি থকা সংকটৰ বাবে দেশত বিমানৰ ভাৰা বৃদ্ধি পাব। চলিত ভাৰাতকৈ অক্টোবৰ-নৱেম্বৰত এই ভাৰা অতিকমেও ১০-১৫ শতাংশলৈ বুদ্ধি পাব। বিজিনেছ ষ্টেণ্ডাৰ্ডৰ সৈতে হোৱা কথোপকথনত ব্যক্তিগত বিমানসেৱাৰ শীৰ্ষ বিষয়া এগৰাকীয়ে প্ৰকাশ কৰা মতে, ছেপ্টেম্বৰৰ শেষৰ সপ্তাহৰ পৰাই বিমানৰ ভাৰা বৃদ্ধি পাব।



ইপিনে, দেশৰ আৰ্থিক মন্দাৱস্থাৰ বাবেই ষ্টক মাৰ্কেট বৃহৎ লোকচানৰ সন্মুখীন হৈ আছে। আজিও ষ্টক মাৰ্কেট বৃহৎ লোকচানৰ সন্মুখীন হয়। বজাৰ সামৰণি পৰালৈকে বি এছ ই ছেনছেক্স ৬৪২ পইণ্ট তথা৷ ১.৭ শতাংশ নিম্নগামী হৈ ৩৬,৪৮১ হৈছে। তেনেদৰে নিফটিৰ সৃূচাংকও ১৮৬ পইণ্ট তথা ১.৭ শতাংশ নিম্নগামী হৈ ১০,৮১৮ত বজাৰ সামৰণি পৰে। ছোদি আৰবৰ তেল কোম্পানীত দড্ৰোন আক্ৰমণৰ বাবে ভাৰতৰ ষ্টক মাৰ্কেটত লোকচান হৈছে। লক্ষণীয় যে খাৰুৱা তেলৰ মূল্য বৃদ্ধি পোৱাৰ পৰিপ্ৰেক্ষিততে বিনিয়োগকাৰীৰ মাজত দেখা দিয়া শংকাৰ বাবেই প্ৰতি মাৰ্কিন ডলাৰৰ বিপৰীতে ভাৰতীয় টকাৰ মূল্য নিম্নগামী হৈছে।
আজি প্ৰতি মাৰ্কিন ডলাৰৰ বিপৰীতে ৬৮ পইচা নিম্নগামী হৈ ভাৰতীয় টকাৰ মূল্য হৈছে ৭১.৬০। তথ্য মতে, আজি বজাৰ মুকলি হোৱাৰ সময়ত প্ৰতি মাৰ্কিন ডলাৰৰ বিপৰীতে ভাৰতীয় টকাৰ মূল্য ৭০.৯২ত আৰম্ভ হৈ প্ৰথম ঘণ্টাত ৭১.৫৪লৈ উন্নীত হয় যদিও পিছলৈ ৬৮ পইচা নিম্নগামী হৈ প্রতি মাৰ্কিন ডলাৰৰ বিপৰীতে ভাৰতীয় টকাৰ মূল্য ৭১.৬০ত বজাৰ সামৰণি পৰে ।